,
17 აგვისტო — გრიგორიანული კალენდრის 229-ე დღე (ნაკიან წლებში – 230-ე დღე). წლის ბოლომდე დარჩენილია 136 დღე.
დღის მოვლენები
1903 : ჯოზეფ პულიცერმა პულიცერის პრემია დააწესა, რომელიც ყოველწლიურად გაიცემა საუკეთესო ჟურნალისტური ნაშრომისთვის.
1943 : მეორე მსოფლიო ომი - აშშ-ის მერვე საჰაერო ბრიგადა ჰკარგავს 60 ბომბდამშენს შვენფურტ-რეგენსბურგის მისიაში.
1945 : ინდონეზია ნიდერლანდებისგან დამოუკიდებლობას აცხადებს.
1960 : გაბონმა საფრანგეთისგან დამოუკიდებლობა გამოაცხადა.
1962 : აღმოსავლეთ გერმანიის მესაზღვრეებმა დახვრიტეს 18 წლის პეტერ ფეხტერი, რომელიც ბერლინის კედელზე გადაძვრომას ცდილობდა დასავლეთ ბერლინში გადაქცევად, რითაც პირველი მსხვერპლი გახდა, რომელიც ბერლინის კედელს შეეწირა.
1969 : მეხუთე კატეგორიის ურაგანი კამილა მისისიპის სანაპიროს დაატყდა თავს, რის გამოც 248 ადამიანი დაიღუპა და $1,5 მილიარდის ზარალი გამოიწვია.
1970 : ვენერა 7-ის გაშვება მოხდა, რომელიც მოგვიანებით პირველი კოსმოსური ხომალდი გახდა, რომელმაც სხვა პლანეტიდან ინფორმაციის გადაცემა შეძლო.
1974 : ჰავანაში პირველი მოყვარულ მოკრივეთა ჩემპიონატი გაიმართა.
1979 : აეროფლოტის ორი სამგზავრო თვითმფრინავი ერთმანეთს შეეჯახა უკრაინის საჰაერო სივრცეში, რის გამოც 156 ადამიანი დაიღუპა.
1988 : პაკისტანის პრეზიდენტი მუჰამად ზია-ულ-ჰაქი და აშშ-ის ელჩი არნოლდ რაფელი ავია კატასტროფაში დაიღუპნენ.
1998 : მონიკა ლევინსკის სკანდალი - აშშ-ის პრეზიდენტი ბილ კლინტონი აღიარებს, რომ "შეუფერისი ფიზიკური ურთიერთობა" ჰქონდა თეთრი სახლის პრაქტიკანტ მონიკა ლევინსკისთან.
1998 : ეკონომიკური კრიზისის პიკზე რუსეთის ფედერაციის მთავრობამ დეფოლტი გამოაცხადა.
1999 : 7,4 მაგნიტუდის მიწისძვრა მოხდა იზმირში, თურქეთი, რის გამოც 17.000 ადამიანი დაიღუპა, ხოლო 44.000 მძიმედ დაშავდა.
2005 : ებრაელი ახალმოსახლეების პირველი იძულებითი ევაკუაცია განხორციელდა ოკუპირებული მიწებიდან ისრაელის ცალმხრივი გამოსვლის გეგმით.
2005 : ლიონელ მესი პირველად გამოვიდა მოედანზე არგენტინის ეროვნული ნაკრების მაისურით საერთაშორისო ამხანაგურ შეხვედრაში უნგრეთის ეროვნული ნაკრების წინააღმდეგ.
2008 : ამერიკელი მოცურავე მაიკლ ფელპსი ისტორიაში პირველი სპორტსმენი გახდა, რომელმაც ერთ ოლიმპიადაზე 8 ოქროს მედალი მოიპოვა.
2009 : აფეთქებამ საიან-შუშენსკოეს ჰიდროელექტროსადგურზე ათობით ადამიანი იმსხვერპლა და აღმოსავლეთ ციმბირის ქალაქებში ელექტროენერგიის მიწოდების შეფერხება გამოიწვია.
2016 : ქართველი ძალოსანი ლაშა ტალახაძე ოლიმპიური ჩემპიონი გახდა.
2018 :
იმრან ხანი პაკისტანის პრემიერ-მინისტრად აირჩიეს.
ყოფილი მსახიობი მარიან შარეცი სლოვენიის პრემიერ-მინისტრად აირჩიეს.
ამ დღეს დაბადებულნი
1601 : პიერ ფერმა — ფრანგი მათემატიკოსი
1629 : იოანე III — პოლონეთის მეფე
1844 : მენელეკ II — ეთიოპიის იმპერატორი
1864 : ჰუსეინ, რაჰმი გურფინარი — თურქი მწერალი.
1875 : ალექსანდრე ჯავახიშვილი — ქართველი გეოგრაფი და ანთროპოლოგი
1887 : კარლოს I — ავსტრიის იმპერატორი
1906 : უჩა ჯაფარიძე — ქართველი ფერმწერი. (გ. 1988)
1932 : ვ. ს. ნაიპაული — ინდოელი მწერალი, ნობელის პრემიის ლაურეატი
1935 : ოლეგ ტაბაკოვი — რუსი მსახიობი
1943 : რობერტ დე ნირო — ამერიკელი მსახიობი
1960 : შონ პენი — ამერიკელი მსახიობი
1977 : ტიერი ანრი — ფრანგი ფეხბურთელი
1977 : უილიამ გალასი — ფრანგი ფეხბურთელი
1977 : ტარია ტურუნენი — ფინელი მომღერალი (Nightwish)
ამ დღეს გარდაცვლილნი
1106 : ჰაინრიხ IV — გერმანიის მეფე
1304 : გო-ფუკაკუსა — იაპონიის იმპერატორი
1657 : ბლეიქი, რობერტ — ინგლისელი ადმირალი
1786 : ფრედერიკ II — პრუსიის მეფე
1969 : შტერნი, ოტო — გერმანელი ფიზიკოსი, ნობელის პრემიის ლაურეატი
დღესასწაულები
მართლმადიდებელი ეკლესია აღნიშნავს შემდეგი წმინდანების ხსენების დღეს:
შვიდი ეფესელი ყრმა: მაქსიმილიანე, იამბლიქო, მარტინიანე, იოანე, დიონისე, ექსაკუსტოდიანე (კონსტანტინე) და ანტონინე
ღირსმოწამე ევდოკია (IV)
წმინდა ელეფთერი
კოზმა მოციქულთასწორი
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
