13 ივლისი — გრიგორიანული კალენდრის 194-ე დღე (ნაკიან წლებში – 195-ე დღე). წლის ბოლომდე დარჩენილია 171 დღე.

დღის მოვლენები

1822 : საბერძნეთის ბრძოლა დამოუკიდებლობისთვის - ბერძნები ამარცხებენ ოსმალებს თერმოფილესთან.

1837 : ბრიტანეთის დედოფალი ვიქტორია ბუკინგების სასახლეში გადადის და მისი პირველი ბინადარი მონარქი ხდება.

1878 : ბერლინის ხელშეკრულება - ევროპის სუპერსახემწიფოები ბალკანეთის რუკას ხელახლა ხაზავენ: სერბია, მონტენეგრო და რუმინეთი ოსმანთა იმპერიისგან დამოუკიდებლები ხდებიან.

1908 : ქალები პირველად მონაწილეობენ თანამედროვე ოლიმპიურ შეჯიბრში.

1923 : ჰოლივუდის წარწერა ოფიციალურად გაიხსნა ჰოლივუდის მაღლობზე, ლოს-ანჯელესში. თავდაპირველად მასზე ეწერა „Hollywoodland“, თუმცა ბოლო ოთხი ასო 1949 წლის განხლებისას ჩამოაშორეს.

1942 : მეორე მსოფლიო ომი - მონტენეგროელები იწყებენ პირველ საყოველთაო აჯანყებას ევროპაში ნაცისტურ მოკავშირეთა წინააღმდეგ.

1948 : კოპტური და ეთიოპიური ეკლესიები შეთანხმებას აღწევენ, რასაც შედეგად ეთიოპიის მართლმადიდებელი ეკლესიის ავტოკეფალიის რანგში აყვანა მოჰყვა.

1977 : ნიუ-იორკ სიტი ბლეკაუტი - ქალაქს ელექტრონერგია გამოერთო 25 საათით, რასაც შედეგად არნახული ძარცვა და არეულობები მოჰყვა.

1985 : Live Aid მასობრივი საქველმოქმედო კონცერტები იმართება ლონდონში, ფილადელფიაში, სიდნეისა და მოსკოვში.

2000 : საქართველოში საზეიმოდ აღინიშნება ქართლის მოქცევის 1700 და საქართველოს მართლმადიდებელი ეკლესიის ავტოკეფალიის 1500 წლისთავი.

2002 : მეხის დაცემის გამო გაჩნდა ხანძარი, რომელმაც 2.000 კვ.კმ-ზე მეტი ფათობის ტყე გადაწვა ორეგონსა და ჩრდ. კალიფორნიაში. ხანძრის ჩაქრობა მხოლოდ 5 სექტემბერს მოხერხდა.

2008 : ევროკავშირისა და ჩრდილოეთ აფრიკის ხმელთაშუაზღვისპირა ქვეყნებმა ხმელთაშუა ზღვის კავშირი შექმნეს.

2009 : ავსტრია, ბულგარეთი, უნგრეთი, რუმინეთი და თურქეთი სამთავრობათშორისო ხელშეკრულებას დებენ ნაბუკოს გაზსადენის მშენებლობაზე.

2014 : მსოფლიო ჩემპიონი ფეხბურთში გერმანიის ეროვნული ნაკრები გახდა.

2016 : დიდი ბრიტანეთის პრემიერ-მინისტრი ტერეზა მეი გახდა.

2021 :

ნეპალის უზენაესი სასამართლოს გადაწყვეტილებით შერ ბაჰადურ დეუბა პრემიერ-მინისტრად დაინიშნა.

პერუს ეროვნულმა საარჩევნო კოლეგიამ ქვეყნის არჩეულ პრეზიდენტად პედრო კასტილიო ოფიციალურად გამოაცხადა.

ამ დღეს დაბადებულნი

ძვ. წ. 100 : გაიუს იულიუს კეისარი — ძველი რომის ერთ-ერთი უდიდესი პოლიტიკური და სახელმწიფო მოღვაწე

1863 : შმერლინგი, ოსკარ — ფერმწერი და გრაფიკოსი.

1888 : სანდრო შანშიაშვილი — ქართველი მწერალი (გ. 1979)

1894 : ბაბელი, ისააკ — უკრაინელი მწერალი (გ.1940)

1936 : ვაჟა აზარაშვილი — ქართველი კომპოზიტორი

1940 : სტიუარტი, პატრიკ — ამერიკელი მსახიობი

1942 : ფორდი, ჰარისონ — ამერიკელი მსახიობი

1954 : აკსუ, სეზენ — თურქი მომღერალი

ამ დღეს გარდაცვლილნი

1645 : მიხეილ I — რუსეთის ცარი.

1900 : ბახტაძე, ილია — ქართველი პუბლიცისტი, ჟურნალისტი, მთარგმნელი (დ.1859)

1951 : შონბერგი, არნოლდ — ავსტრიელი კომპოზიტორი (დ.1874)

1952 : ასპისოვი, ნიკოლოზ — საბჭოთა ოტოლარინგოლოგი. (დ.1877)

1954 : კალო, ფრიდა — მექსიკელი ფერმწერი

დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:

დინარ დედოფალი

კრება წმიდათა დიდებულთა და ყოვლადქებულთა ათორმეტთა მოციქულთა: პეტრესი, ანდრიასი, იაკობ ზებედესი, იოანესი, ფილიპესი, ბართლომესი, თომასი, მათესი, იაკობ ალფესისა, იუდა-იაკობის (თადეოზისა), სვიმონ მოშურნესი და მატათასი – სვეტიცხოვლობა