,
თბილისის მერის კახა კალაძის განცხადებით, 10 სექტემბრიდან პეკინის გამზირზე და მიმდებარე ქუჩებზე ზონალურ-საათობრივი პარკირება ამოქმედდება და ტარიფი უბნების მიხედვით განსხვავებული იქნება. ამის შესახებ კახა კალაძემ დღეს, თბილისის მთავრობის სხდომაზე განაცხადა.
„10 სექტემბრიდან, პეკინის გამზირზე და მიმდებარე ქუჩებზე განხორციელდება ზონალურ-საათობრივი პარკირების პროექტი. ამ ქუჩებზე უკვე განთავსებულია საინფორმაციო ჯიხურები, სადაც ადგილობრივ მოსახლეობას აქვს საშუალება მივიდეს და მიიღოს სრული ინფორმაცია. მე მინდა ხაზი გავუსვა იმას, რომ ადგილობრივმა მოსახლეობამ უნდა მიმართოს საინფორმაციო ჯიხურებს და თუ სურვილი არ აქვთ, ამის შესახებ ინფორმაცია ჩვენს ვებგვერდზეც არის განთავსებული და არსებობს ასევე, აპლიკაცია“, - განაცხადა კალაძემ.
კალაძემ განმარტა, ვისთვის იქნება პარკირება უფასო.
„ადგილობრივმა მოსახლეობამ უნდა დაარეგისტრიროს საკუთარი ავტომობილები საცხოვრებელი ზონების მიხედვით და მათთვის პარკირება იქნება უფასო. პარკირებით სარგებლობა უფასო იქნება შშმ პირებისთვის და ასევე, ელექტრო მანქანებისთვის. ხოლო სტუმრებისთვის, რომლებიც სხვა რაიონებიდან მოდიან, მათთვის იქნება ფასიანი. რაიონების და უბნების, ქუჩების მიხედვით ტარიფი იქნება განსხვავებული“, - განაცხადა კახა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
