,
.jpg)
რუსეთის პრეზიდენტმა, ვლადიმირ პუტინმა განაცხადა, რომ უკრაინასთან ზავის იდეა სწორია.
„თავად იდეა [უკრაინასთან ცეცხლის შეწყვეტის შესახებ] სწორია და ჩვენ, რა თქმა უნდა, მხარს ვუჭერთ, მაგრამ არის საკითხები, რომლებიც უნდა განვიხილოთ“, - აღნიშნა რუსეთის პრეზიდენტმა.
პუტინმა განაცხადა, რომ ის ეთანხმება აშშ-ის წინადადებას უკრაინაში საომარი მოქმედებების შეჩერების შესახებ.
პუტინმა ხაზგასმით აღნიშნა, რომ ეს წინადადება მიიღება მხოლოდ იმ შემთხვევაში, თუ ეს ნაბიჯი გრძელვადიან მშვიდობას გამოიწვევს.
„ცეცხლის ეს შეწყვეტა უნდა იყოს ისეთი, რომელიც გამოიწვევს გრძელვადიან მშვიდობას და აღმოფხვრის ამ კრიზისის ძირეულ მიზეზებს“, - განაცხადა რუსეთის პრეზიდენტმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
