„საქპატენტი: ქვევრი - ეს არის საქართველო

„საქპატენტი: ქვევრი - ეს არის საქართველო

თარიღი: 241

გეოგრაფიული აღნიშვნა „ქვევრი“

ქვევრი - ეს არის საქართველო. შეიძლება პათეტიკურად ჟღერდეს ეს სიტყვები, მაგრამ რამდენ დეტალსაც დავუკვირდებით, იმდენჯერ დავრწმუნდებით, რომ მართლაც ასეა.

ღვინის, ყველის, პროდუქტის მიწაში შენახვის უძველესი ტრადიციაა ქვევრი.

მტრის შემოსევების დროს, ღვინის, როგორც ქრისტიანული სასმლის ჩუმად შენახვა და ქრისტიანობის გადარჩენაა ქვევრი.

ქვევრის გასარეცხად ჩასული კაცის ჩუმი სიმღერა და ქვევრის ექოსგან გამოძახილის ანსამბლია ქვევრი.

ფილმია, სუვენირია, სიჯანსაღეა, არქეოლოგიაა ქვევრი.

ნასახლარის, სიძველის, მეღვინეობისა და სიცოცხლის არსებობაზე მიმანიშნებელი მისამართია ქვევრი.

ქართველი კაცისა და ქვევრის უსიტყვო სიყვარული და ურთიერთობა, ათასწლეულებით გამოცდილი ერთგულების განსაკუთრებული მაგალითია ქვევრი.

დაბოლოს, მეცნიერთა დასტურით, სწორედ „ქვევრია“ ის მთავარი საკვანძო სიტყვა, რომელმაც საქართველო „ღვინის სამშობლოდ“ აქცია.

2013 წელს იუნესკოს არამატერიალური კულტურული მემკვიდრეობის დაცვის მთავრობათაშორისი კომიტეტის მე-8 სესიაზე მიღებულ იქნა გადაწყვეტილება „ქვევრის ღვინის დაყენების უძველესი ქართული ტრადიციული მეთოდის“ არამატერიალური კულტურული მემკვიდრეობის წარმომადგენლობით სიაში შეტანის შესახებ. სამეცნიერო კვლევების შედეგად, სწორედ საქართველო აღმოჩნდა ის ქვეყანა, რომელიც ყველაზე ადრე, 8000 წლის წინ იყენებდა ამ მეთოდს და დღემდე ამ ტექნოლოგიის ერთგულია. ამ გადაწყვეტილებამ საქართველოს აღიარებასთან ერთად, აღიარა ქვევრი, როგორც უნიკალური საღვინე ჭურჭელი. სულ რამდენიმე წელიწადში, 2017 წელს კი ქალაქ ბორდოში - ღვინის მსოფლიო ცივილიზაციის ცენტრში საზეიმოდ გაიხსნა გამოფენა „საქართველო - მეღვინეობის აკვანი“. ეს იყო საქართველოს გამარჯვების მორიგი ოფიციალური აღიარება. ამავე წელს ღვინის ისტორიკოსმა, პენსილვანიის უნივერსიტეტის მუზეუმის პროფესორმა პატრიკ მაკგოვერნმა გააცნო მსოფლიოს 3-წლიანი კვლევა, რომლის შედეგად სწორედ ჩვენს ქვეყანას მიანიჭა ღვინის სამშობლოს წოდება.

ამერიკელი მეცნიერის დასკვნის შემდეგ მთელი მსოფლიო ალაპარაკდა ქვევრზე და, შესაბამისად, საქართველოზე. არაერთმა გიგანტურმა გამოცემამ მიუძღვნა სტატია ქვევრს. ზოგიერთ პუბლიკაციაში, მაგალითად, ამერიკულ ჟურნალ „Forbes“-ში აღნიშნული იყო, რომ ქართული ღვინის უნიკალურ გემოს სწორედ ქვევრის თიხის მინერალები განსაზღვრავს.

8000 წელია საქართველოში არსებობს მეღვინეობის უძველესი ტრადიცია, არქეოლოგიური გათხრების შედეგად აღმოჩენილი ძველი წელთაღრიცხვის VI-V საუკუნეების ჭურჭელი კი ხაზს უსვამს ქვევრში ღვინის დაყენების უძველეს მეთოდზე, რომელსაც ქართველი მეღვინეები დღემდე იყენებენ. ღვინის კატეგორიებში უკვე ცალკე მიმართულებად არის გამოყოფილი „ქვევრის ღვინო“, რომელიც ზუსტად უძველესი ტექნოლოგიით, ქვევრში დაყენებულ ღვინოს აღნიშნავს.

ქვევრი - ეს არის გამომწვარი თიხისგან დამზადებული ქართული ტრადიციული საღვინე ჭურჭელი, რომელიც გამოიყენება როგორც ყურძნის ტკბილის ალკოჰოლური დუღილისთვის, ასევე ღვინის შესანახად და დასავარგებლად.

ქვევრს აქვს კვერცხისებრი ფორმა. მისი შევიწროებული, წაწვეტებული ნაწილი ქვემოთ არის მოქცეული, ყელი კი ზემოთ. საქართველოს ტერიტორიაზე, სხვადასხვა რეგიონს მისთვის დამახასიათებელი ფორმისა და ზომის ქვევრი ჰქონდა, თუმცა ყველანაირი ქვევრი შეესაბამება მთავარ მოთხოვნებს და აგებულების ნორმებს, დასაშვებია მხოლოდ მცირედ ფორმის ცვლილება. ქვევრის მინიმალური ტევადობა არ უნდა იყოს 20 ლიტრზე ნაკლები, ყელის დიამეტრი - 25 სმ-ზე ნაკლები, ხოლო მისი სიმაღლე უნდა იყოს არანაკლებ 50 სმ.

ქვევრის დამზადებას სჭირდება რამდენიმესაფეხურიანი ეტაპის გავლა, ყველაზე მეტად კი გასათვალისწინებელია „ოქროს კვეთის პრინციპი“, რომელიც პროპორციულად უნდა შეესაბამებოდეს ქვევრის ზომებს. „მთელი ჰარმონიული უნდა გაიყოს ისეთ ორ არატოლ ნაწილად, როდესაც მცირე ნაწილი ისე შეეფარდება დიდს, როგორც დიდი მთელს და პირიქით, მთელი ისე შეეფარდება დიდს, როგორც დიდი მცირეს“ - აღწერენ ამ საქმის პროფესიონალები. ქვევრი მზადდება მხოლოდ ჩვენს ქვეყანაში და მის შესაქმნელად გამოიყენება მხოლოდ საქართველოს ტერიტორიაზე მოპოვებული ნედლეული.

ამ ეტაპზე „ქვევრი“ არის ერთადერთი არასასურსათო პროდუქტის გეოგრაფიული აღნიშვნა, რომელიც დარეგისტრირებულია საქართველოს გეოგრაფიული აღნიშვნების სახელმწიფო რეესტრში. ამას საფუძვლად უდევს ქვევრის, როგორც საღვინე ჭურჭლის რეპუტაცია და ქვევრის, როგორც ნივთის შინაარსი, რომელიც ქართული კულტურული თვითმყოფადობის განუყოფელი ნაწილია.

გეოგრაფიული აღნიშვნა „ქვევრი“ საქპატენტში დარეგისტრირდა 2021 წლის 21 მაისს. ქვევრის სპეციფიკაციის გაცნობა შესაძლებელია საქპატენტის ვებგვერდზე: https://www.sakpatenti.gov.ge/ka/state_registry/

კულტურა

კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

უფასო საზოგადოებრივი ტრანსპორტი — მაგალითები ევროპის ქალაქებიდან

სრულად

ქვეყანაში სატვირთო ტრანსპორტის უსაფრთხო პარკირების ადგილების დეფიციტი შეინიშნება

სრულად

71 წლის წინ თბილისის დინამოს და მოსკოვის სპარტაკს შორის გამართული მატჩის დროს, 20 ადამიანი გარდაიცვალა

სრულად