,
რუსული გაზეთის „კომერსანტის“ (КоммерсантЪ) 14 პრილის ნომრის მე-7 გვერდზე გამოქვეყნებულია სტატია სათაურით „თურქეთის არცთუ მომგებიანი ზაფხული“ (ავტორი - ალექსანდრა მერცალოვა), რომელშიც რუსულ-თურქულ ტურიზმში შექმნილი მდგომარეობაა მიმოხილული.
როგორც მასალაშია ნათქვამი, რუსი ტურისტების თურქეთში გამგზავრებაზე საკმაოდ მნიშვნელოვან ნეგატიურ გავლენას ახდენს როგორც ქვეყანაში არსებული მძიმე ეკონომიკური სიტუაცია, ასევე ორ ქვეყანას შორის ბოლო დროს შექმნილი არამეგობრული სიტუაცია - პრეზიდენტ რეჯეფ ერდოღანის მიერ გადადგმული ანტირუსული ნაბიჯები - უკრაინელი ნაცბატალიონის „აზოვის“ მეტაურების გათავისუფლება კრემლის დაუკითხავად, თურქეთის თანხმობა შვედეთის ნატოში მიღების თაობაზე და სხვა.
„რუსულ სოციალურ ქსელებში ბოლო თვეებში გახშირდა მოწოდებები „თურქული მიმართულების აკრძალვაზე“ და რომ უკვე დგება არამეგობრული თურქეთისათვის სამაგიეროს გადახდის დრო.
მართლაცდა, რუსული ტურიზმის თურქულ მიმართულებაში სიტუაცია არასახარბიელოა. თურქული სტატისტიკის მიხედვით, მაისში ქვეყნის სანახავათ 640 ათასი რუსი ტურისტი ჩავიდა, რაც ერთი მესამედით ნაკლებია ყველაზე უხვტურისტიან 2019 წლის ანალოგიურ პერიოდთან შედარებით.
რუსულ-თურქულ ტურისტულ ურთიერთობებში პოლიტიკური ფაქტორის როლის მნიშვნელობა საკმაოდ ანგარიშგასაწევია. მაისში ბევრს ლაპარაკობდნენ რუსი ტურისტების სიმცირეზე, რომელიც თურქეთში საპრეზიდენტო და საპლამენტო არჩევნების დაძაბულობით იყო გამოწვეული - ვაითუ ოპოზიციამ გაიმარჯვოს და დესტაბილიზაცია დაიწყოსო“, - აღნიშნულია პუბლიკაციაში.
სტატიაში ხაზგასმულია აგრეთვე, რომ თურქეთის საწინააღმდეგოდ, რუსი ტურისტების რაოდენობამ სწრაფად მოიმატა ინდონეზიაში, რითაც ისტორიული რეკორდი დამყარდა. „კუნძულ ბალის გუბერნატორმა ვაიან კოსტერმა ისიც კი მოითხოვა, რომ ზომებია მისაღები მათი შემცირების მიზნით - რუსებს ვიზები უნდა ჩამოვართვათ და ისინი უკან უნდა დავაბრუნოთო.
რაც შეეხება საქართველოს, ამ კავკასიურ სახელმწიფოში რუსეთისა და ქართული ავიაკომპანიების ფრენები გრძელდება - მიუხედავად იმისა, რომ პრეზიდენტი სალომე ზურაბიშვილი აგრძელებს ლაპარაკს რუსეთის მოქალაქეების ქვეყანაში შესვლისა და ყოფნის წესების გამკაცრების შესახებ“, ნათქვამია სტატიის დასარულს.
წყარო: https://www.kommersant.ru/doc/6084794
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
