,
საქართველოს ეროვნული ბანკის ინფორმაციით, 2025 წლის ნოემბერში ქვეყანაში შემოსული ფულადი გზავნილების ნაკადების მოცულობამ 298.39 მლნ აშშ დოლარი შეადგინა, რაც 11.9%-ით მეტია 2024 წლის ნოემბრის ანალოგიურ მაჩვენებელზე.
საქართველოს ეროვნული ბანკის თანახმად, ნოემბერში ყველაზე მეტი თანხა საქართველოში კვლავ ამერიკის შეერთებული შტატებიდან გადმორიცხეს, რაც 58 მილიონ დოლარს შეადგენდა. წლიური ზრდა 16%-ია. მეორე პოზიციას იტალია იკავებს $50 მილიონით, საიდანაც ფულადი გზავნილების ნაკადები 11%-ით გაიზარდა.
რუსეთი კი კვლავ მესამე პოზიციაზეა $38 მილიონი დოლარით, ამასთან რუსეთიდან გზავნილების მოცულობა წინა წელთან შედარებით 29%-ით გაიზარდა.
წყარო:https://bm.ge/
| # | ქვეყანა | გზავნილების ოდენობა - მლნ დოლარი | ზრდა/კლება წინა წლის ანალოგიურ პერიოდთან |
| 1 | აშშ | $58 | 16% |
| 2 | იტალია | $50 | 11% |
| 3 | რუსეთის ფედერაცია | $38 | 29% |
| 4 | გერმანია | $27 | 16% |
| 5 | საბერძნეთი | $25 | 15% |
| 6 | ისრაელი | $24 | 10% |
| 7 | თურქეთი | $9 | 10% |
| 8 | ესპანეთი | $8 | 39% |
| 9 | ყაზახეთი | $6 | -22% |
| 10 | ირლანდია | $6 | 4% |
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
