,
ერევანში, იერაბლურის სამხედრო პანთეონთან, სამგლოვიარო მსვლელობის მონაწილეები, მათ შორის სომხეთის პრემიერ-მინისტრი ნიკოლ ფაშინიანი და ხელისუფლების სხვა წარმომადგენლები მივიდნენ.
პანთეონთან მათ საპროტესტო აქციის მონაწილეები დახვდნენ, რომლებიც სკანდირებენ : „ნიკოლ, მოღალატე!“, „ნიკოლ, თურქო!“ სომხური მედიის ინფორმაციით, მსვლელობის დროს, რომელიც რესპუბლიკის მოედანზე დაიწყო, ფაშინიანს უპრეცედენტო რაოდენობის დაცვის თანამშრომლები ახლდა.
პანთეონთან დიდი რაოდენობით სამართალდამცავები არიან მობილიზებული.
შეგახსენებთ, დღეიდან სომხეთში, მთიანი ყარაბაღის ომში დაღუპულთა ხსოვნის პატივსაცემად, სამდღიანი გლოვა გამოცხადდა. დღესვე რესპუბლიკის მოედნიდან იერაბლურის სამხედრო პანთეონამდე სამგლოვიარო მსვლელობა მოეწყო.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
