თხილის გადამმუშავებელთა და ექსპორტიორთა ასოციაციის ხელმძღვანელის განცხადებით, თხილის სექტორში დონორების პროექტების გარეშე ტექნოლოგიური პროგრესი წარმოუდგენელია. როგორც ლევან ქარდავამ BM.GE-სთან ინტერვიუში განაცხადა, USAID-ის პროექტების შეჩერების შემდეგ სიტუაცია კიდევ უფრო გართულდა, რადგან თხილის სექტორს იმხელა ფინანსური სახსრები არ აქვს, რომ ტექნოლოგიური გადაიარაღება დონორების საგრანტო პროექტებისგან დამოუკიდებლად შეძლოს.

„ბოლო პერიოდში USAID-ის დახურვის შემდეგ კიდევ უფრო გართულდა სიტუაცია თხილის სექტორში. ყველა ტექნიკური გადაიარაღება რაც ხდებოდა ბოლო წლებში სექტორში, ასევე სერტიფიცირება ფინანსდებოდა მათი საგრანტო პროექტებით, რადგან სექტორს არ აქვს ისეთი მოგების მარჟა, რომ რეინვესტირება მოახდინონ ახალ ტექნოლოგიებში.

ეს სექტორი დამოკიდებულია საგრანტო პროექტებზე, ხოლო სახელმწიფო დიდწილად გვთავაზობს უბრალოდ სესხებს, იაფ აგროკრედიტებს, თუმცა საგრანტო კომპონენტი ძალიან მნიშვნელოვანი იყო. იმედია, გადაიხედება ეს საკითხი და ისევ ხელმისაწვდომი იქნება საგრანტო კომპონენტი ფერმერებისთვის“,-აცხადებს ლევან ქარდავა.

წყარო:https://bm.ge/