გერმანული გამოცემა Der Standard-ში გამოქვეყნებული სტატიის თანახმად - “პუტინი შესაძლოა 2026 წელს განიხილავდეს ომიდან გამოსვლის ვარიანტს უკრაინაში”
მიუხედავად კოლოსალური დანაკარგებისა და ეკონომიკაზე ზეწოლისა, კრემლი ამ ეტაპზე ვერ ხედავს ომის დასრულების მიზეზს უკრაინაში. ექსპერტების შეფასებით, რეალური ცვლილებები შესაძლოა მხოლოდ 2026 წელს დადგეს, როდესაც ომი სერიოზულად დააზარალებს რუსეთის ეკონომიკას და თითქმის სრულად ამოიწურება საბჭოთა პერიოდის შეიარაღის მარაგები.
პუტინი საჯაროდ არ ამბობს უარს უკრაინის რუსეთისა და ბელორუსთან „გაერთიანების“ გეგმებზე.
რუსეთი მზად არ არის მშვიდობისთვის, მიუხედავად მილიონზე მეტი მოკლული და დაჭრილი ჯარისკაცისა.
პუტინს ჯერჯერობით არ აშინებს აჯანყებები ან გადატრიალებები, უსაფრთხოების აპარატზე მკაცრი კონტროლის გამო.
ხელისუფლების მშვიდობიანად შეცვლის შემთხვევაშიც კი, ახალი ლიდერი, დიდი ალბათობით, პუტინის „კლონი“ იქნება, რადგან სისტემა თვითონვე ქმნის საკუთარის მსგავსს.
მოსალოდნელია ისეთი სცენარი, როცა 2026 წელს შესაძლოა დროებითი ზავი დადონ, რათა გამოიყენონ ტრამპის ადმინისტრაციით შექმნილი სარგებელი და პოლიტიკურად სცადონ უკრაინაზე ზემოქმედება.
გამოცემა აღნიშნავს, რომ ჯერჯერობით ვერც სამხედრო და ვერც შიდა ზეწოლა პუტინს ომის შეწყვეტას ვერ აიძულებს, თუმცა 2026 წელი შესაძლოა კრიტიკული გახდეს — ამ დროისთვის კრემლი შეიძლება გამოსავლის ძიებას შეუდგეს, თუ მდგომარეობა მისთვის ისე უკიდურესად უარყოფითი წარიმართება, რისი ტენდენციაც ახლა უკვე შეინიშნება.
