კომპანია Microsoft-ის დამფუძნებლის და საქველმოქმედო ფონდ Gates Foundation-ის თავმჯდომარის, ბილ გეიტსის $200-მილიარდიანი ქონების უდიდესი ნაწილი აფრიკის განვითარებას მოხმარდება.

როგორც მილიარდერი მეწარმე აცხადებს, მისი მოღვაწეობის მიზანი რაც შეიძლება მეტი ადამიანის დახმარებაა, ამიტომ ის პლანეტის ყველაზე ნაკლებად განვითარებულ და რთულ კონტინენტს, აფრიკას ირჩევს, სადაც მოსახლეობის მნიშვნელოვან ნაწილს არც მედიცინასთან აქვს წვდომა, არც განათლებასთან, არც უსაფრთხო საკვებთან და არც თანამედროვე ტექნოლოგიებთან.

როგორც ვიცით, გეიტსის სიკვდილის შემდეგ, მისი ქონება სამართავად Gates Foundation-ს გადაეცემა, რომელმაც პროექტების უდიდესი ნაწილი სწორედ აფრიკაში, მათ შორის: ეთიოპიაში, რუანდაში, ზიმბაბვესა და ნიგერიაში უნდა განახორციელოს.

უნდა აღინიშნოს, რომ ბილ გეიტსს აქამდეც არაერთი პროექტი განუხორციელებია მსოფლიოს მასშტაბით და ის პლანეტის ისტორიაში ერთ-ერთი უდიდესი ფილანთროპია.