,
სენატორი ბერნი სანდერსი აშშ-ის საპრეზიდენტო კამპანიას გამოეთიშა და ნოემბერში დაგეგმილ არჩევნებში „დემოკრატების“ მთავარი კანდიდატობისკენ გზა ყოფილ ვიცე-პრეზიდენტ ჯო ბაიდენს გაუხსნა.
სანდერსმა მადლობა გადაუხადა მის საარჩევნო კამპანიაში ჩართულ ყველა თანამშრომელს.
„მე მივედი იმ დასკვნამდე, რომ ეს ბრძოლა „დემოკრატების“ ნომინაციისთვის არ იქნება წარმატებული და ასე რომ, დღეს მე კამპანიის შეწყვეტის შესახებ ვაცხადებ. ცოტა თუ უარყოფს, რომ ჩვენმა პოლიტიკურმა მოძრაობამ ბოლო 5 წლის განმავლობაში იდეოლოგიური ბრძოლა მოიგო“, - განაცხადა სანდერსმა.
ბერნი სანდერსის წინასაარჩევნო კამპანია დასაწყისში საკმაოდ წარმატებული იყო და წინასაარჩევნო პრაიმერში რამდენიმე შტატშიც გაიმარჯვა. ის და ჯო ბაიდენი „დემოკრატების“ აშკარად გამოკვეთილი კანდიდატები იყვნენ, თუმცა კორონავირუსის კრიზისმა წინასაარჩევნო კამპანია მნიშვნელოვნად შეაფერხა და პრაიმერის ჩატარება არაერთ შტატში გადაიდო.
შეგახსენებთ, რომ საპრეზიდენტო არჩევნები აშშ-ში მიმდინარე წლის 3 ნოემბერს გაიმართება.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
