ბათუმის მერია 2025 წლის საახალწლო ღონისძიებების ორგანიზებასა და მუსიკოსების ჰონორარებში ჯამში 772 ათას 978 ლარს ტენდერის გარეშე ხარჯავს.

სახელმწიფო შესყიდვების სააგენტოს ბათუმის კულტურის ცენტრმა მიმართა და საგენტოსგან თანხმობა მიიღო. უნდა აღინიშნოს, რომ ცენტრის მიმართვა, რომელიც შესყიდვების ვებგვერდზე დღეს გამოჩნდა, 24 დეკემბრით თარიღდება. ხოლო სააგენტოს პასუხი, დღევანდელი - 9 იანვრის რიცხვით. ანუ, გამოდის, რომ შემსრულებლებს თანხა ჯერ არ მიუღიათ.

ტენდერის გარეშე, ჰონორარებში პირდაპირი შესყიდვის გზით 464 000 ლარი უნდა დაიხარჯოს.

ყველაზე მეტი თანხა თიკა ბალანჩინსა და მისი ბენდისთვისაა გამოყოფილი, ყველაზე ნაკლები - ლუკა ზაქარიაძისთვის.

ჰონორარებისთვის განკუთვნილი თანხები კი, 58 შემსრულებლებზე ასე ნაწილდება:

• თიკა ბალანჩინი და ბენდი „ნიუვანი“ – 46 811 ლარი
• ჯგუფი „ურსა“ – 30 303 ლარი
• „ღამის შოუ გიორგი გაბუნიასთან ერთად“ – 30 000 ლარი
• ჯგუფი „რეგიონი“ – 30 000 ლარი
• ნუცა ბუზალაძე და ბენდი – 25 510 ლარი
• „კახაბერი და ხანუმები“ – 25 510 ლარი
• ანსამბლი „ალილო“ – 19 132 ლარი
• დავით მაზანაშვილის ბენდი – 19 132 ლარი
• ანსამბლი „შვიდკაცა“ – 17 474 ლარი
• სულხან ჯაიანი/ბათუმური კვინტეტის მომსახურება – 15 306 ლარი
• ანსამბლი „ქართული ხმები“ – 15 306 ლარი
• ჯგუფი „რეზო და ბავშვები“ – 15 150 ლარი
• ჯგუფი „ფორტე“ – 12 755 ლარი
• ჯგუფი „ქუჩის ბიჭები“ – 10 101 ლარი
• ანსამბლი „თეატრალური კვარტეტი“ – 10 000 ლარი
• ბენდი „ტრიო გოგლაურა“ – 7 071 ლარი
• ჯგუფი „რერო“ – 6 060 ლარი
• ირაკლი ფაღავას ბენდი – 3 826 ლარი
• „ლა ფიესტა“ – 3 031 ლარი
• ბენდი TABEMONOMOUS – 3 031 ლარი
• ბენდი „ორიონი“ – 3 031 ლარი
• ბენდი G sound – 3 031 ლარი
• ბენდი „ასტეროიდი“ – 3 031 ლარი
• ბენდი moonlaight – 3 031 ლარი
• ბენდი 4 ap – 3 031 ლარი
• ბენდი bonadea – 3 031 ლარი
• ბერდია კუტუბიძე – 6 250 ლარი – წამყვანის მომსახურება
• ბექა დარჩიძე – 15 000 ლარი – საბავშვო აქტივობების მომსახურება
• ხვიჩა მაღლაკელიძე – 3 826 ლარი
• მორის მელაძე – 1 913 ლარი
• სოფიო ბედია – 3 826 ლარი
• ოთარ ნაკაშიძე – 2 551 ლარი
• თეიმურაზ თათარაშვილი – 3 826 ლარი
• ნელი სებისკვერაძე – 3 826 ლარი
• ნატო თურმანიძე – 1 275 ლარი
• ვაჟა ტუღუში – 2 551 ლარი
• ნუგზარ ერგემლიძე – 1 913 ლარი
• ნიკო ბერიძე – 1 913 ლარი
• სალომე ბაკურაძე – 3 826 ლარი
• ლუკა ჭანიშვილი – 2 551 ლარი
• გიორგი ნიკოლაძე – 3 826 ლარი
• არჩილ ნიჟარაძე – 3 826 ლარი
• დავით სირბილაძე – 3 826 ლარი
• მზია ფარტენაძე – 1 913 ლარი
• მანანა თოდაძე – 3 826 ლარი
• რუსუდან თავართქილაძე – 1 913 ლარი
• ირაკლი კორიფაძე – 1 275 ლარი
• თათია კობალაძე – 1 913 ლარი
• გიორგი ნაკაშიძე – 1 913 ლარი
• გვანცა ოსიყმაშვილი – 1 913 ლარი
• ნონა კორიფაძე – 1 275 ლარი
• თამთა ხუხუნაიშვილი – 1 913 ლარი
• ბაიარ შაჰინი – 2 551 ლარი
• ირაკლი გურგენიძე – 1 275 ლარი
• ნინი ქარსელაძე ჟორდანია – 3 826 ლარი
• მარიკა თხელიძე – 3 826 ლარი
• არჩილ გოგიტიძე – 3 188 ლარი
• ლუკა ზაქარიაძე – 1 275 ლარი

რაც შეეხება სხვა ხარჯებს:

• შპს „კრეატივ ჯგუფი“ – 182 490 ლარი – საახალწლო ღონისძიებების ორგანიზება
• ინდირა პაქსაძე – 80 000 ლარი – ლედ მონიტორებით მომსახურება
• შპს „ალკაჯეო“ – 20 000 ლარი – ფეიერვერკების მიწოდება-ინსტალაცია-გაშვება

აღსანიშნავია, რომ გამარტივებული შესყიდვის აუცილებლობა მას შემდეგ დადგა, რაც გაირკვა რომ ტენდერში გამარჯვებული კომპანია ვერ უზრუნველყოფდა სამუშაოებს.

საორგანიზაციო ნაწილზე ცენტრს ორი ტენდერი ჰქონდა გამოცხადებული, სადაც გამარჯვებულად შპს „მიქს-სტუდიო“ გამოავლინეს, თუმცა 2024 წლის 6 დეკემბერს კომპანიამ შესყიდვების პორტალზე ატვირთა წერილები, რომელშიც აღნიშნული იყო, რომ „მიქს-სტუდიო“ „გარკვეული მიზეზების გამო ვერ უზრუნველყოფდა ღონისძიების ორგანიზებას“ და უარს ამბობდა ხელშეკრულების გაფორმებაზე.

რაც შეეხება თავად კომპანიას, მისი წილის 100%-ს ვიქტორია მუნტიანუ ფლობს და თავადაა დირექტორიც.

წყარო:https://bm.ge/