,
თურქეთის ტრანსპორტის მინისტრმა აბდულქადირ ურალოღლუმ სომხეთსა და აზერბაიჯანს შორის ურთიერთობების ნორმალიზების პროცესსა და რეგიონული კომუნიკაციების განბლოკვის თემაზე ისაუბრა.
„რა თქმა უნდა, ჩვენ დიდ მნიშვნელობას ვანიჭებთ აზერბაიჯანსა და სომხეთს შორის დაძაბულობის სასწრაფო შეწყვეტას და მშვიდობიანი მოლაპარაკებების გამართვას და მშვიდობის დამყარებას. და ჩვენთვის ეს მნიშვნელოვანი დისკუსიები გრძელდება. რა თქმა უნდა, ამ ყველაფრის გაკეთებისას ჩვენ ასევე უნდა გავითვალისწინოთ ქვეყნების ეროვნული უსაფრთხოება“, – განუცხადა ურალოღლუმ CNNturk-ს, იტყობინება Armenpress-ი.
რეგიონული კომუნიკაციების განბლოკვის თემაზე საუბრისას მან აღნიშნა, რომ ამ საკითხზე აზერბაიჯანი და სომხეთი საუბრობენ. „ირანული ალტერნატივაც არსებობს, ისიც მაგიდაზეა. ყოველ შემთხვევაში, ის დერეფანი რაღაც მონაკვეთით გაივლის. ეს იქნება სომხეთის ტერიტორიით თუ ირანის გავლით, ჩვენი აზერბაიჯანელი ძმები ყურადღებით აკვირდებიან პროცესს“, – განაცხადა მან.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
