,
გაეროს გენერალური ასამბლეის ახალ პრეზიდენტად ანალენა ბერბოკი აირჩიეს. ფარულ კენჭისყრაზე გერმანიის ყოფილ საგარეო საქმეთა მინისტრს 167-მა სახელმწიფომ მისცა ხმა. წინააღმდეგო მხოლოდ რუსეთი წავიდა. მოსკოვმა ბერბოკი „გამჭვირვალე მიკერძოებულობაში“ დაადანაშაულა და დაჟინებით მოითხოვა ფარული კენჭისყრის ჩატარება.
არჩევის შემდეგ სიტყვით გამოსვლისას ბერბოკმა მადლობა გადაუხადა ქვეყნებს ნდობისთვის და დაჰპირდა, რომ იქნება გაეროს ყველა წევრი ქვეყნის პატიოსანი შუამავალი.
გაეროს გენერალური ასამბლეის პრეზიდენტს ერთწლიანი ვადით ირჩევენ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
