USD 2.7084
EUR 2.9337
RUB 2.9233
თბილისი
ტრანსნაციონალური ფინანსური ფონდი Black Rock-ი, ჯანდაცვის მსოფლიო ორგანიზაცია და კორონავირუსის ანატომია
თარიღი:  1907

მსოფლიოში კორონავირუსისა და კორონავირუსის შესახებ პანიკის ზონის ზრდასთან ერთად,  სხვადასხვა შეთქმულების თეორია და ყალბი ინფორმაციაც ვრცელდება. კორონავირუსის შესახებ გავრცელებული დეზინფორმაციის ნაკადი ჯანმრთელობის მსოფლიო ორგანიზაციამ ინფოდემიად შეაფასა. დღეს მსოფლიო კორონავირუსთან ბრძოლის პარალელურად, ვირუსის და მისი დამარცხების გზების შესახებ გავრცელებულ არასწორ ინფორმაციებს ებრძვის.

თუმცა გამოჩნდა ვაქცინის ბრიტანულ-ნორვეგიული კვლევა, რომლის ავტორთა მტკიცებით, ახალი კორონავირუსის წვეტი ცილები შეიცავს მიმდევრობებს, რომლებიც იქ ხელოვნურად ჩაშენებულს ჰგავს.

ასევე სერ რიჩარდ დიარლავი, რომელიც გაერთიანებული სამეფოს საიდუმლო სადაზვერვო სამსახურს (MI6) 1999-2004 წლებში ხელმძღვანელობდა, Daily Telegraph-თან საუბრისას აცხადებდა, რომ სორენსენისა და დალალიეშის კვლევის მიხედვით, პანდემია შეიძლება, უხანის ვირუსოლოგიის ინსტიტუტში იღებს სათავეს. მისივე თქმით, ნაკლებ სავარაუდოა, რომ ვირუსი იქიდან განზრახ გამოეშვათ, თუმცა, ის შემთხვევით გაიპარა და ჩინეთი ამის დამალვას აშკარად ცდილობდა.

მას შემდეგ, რაც კორონავირუსის ეპიცენტრი აშშ გახდა, ტრაპმის ადმინისტრაციის ოფიციალური პირები აძლიერებდნენ ჭორებს, რომ ვირუსი უხანში, ვირუსოლოგიის ლაბორატორიაში შეიქმნა. თუმცა, საზოგადოებრივი ჯანდაცვის მკვლევრებმა ვირუსის ადრეულ შემთხვევათა კვალს უხანის ცხოველების ბაზრობაზე მიაგნეს.

სორენსენის და დალალიეშის კვლევა ეწინააღმდეგება საერთაშორისო სამეცნიერო კონსენსუსს, რომლის მიხედვითაც, კორონავირუსის პანდემია სათავეს უხანში იღებს, მაგრამ არ არსებობს მტკიცებულება, რომ ვირუსი ხელოვნურად არის შექმნილი.

სორენსენისა და დალალიეშის განცხადებით, აღმოჩენის შემდეგ ვირუსმა ძალიან მცირე მუტაცია განიცადა, რაც იმაზე მიუთითებს, რომ ის უკვე სრულად იყო ადამიანებზე მორგებული. თუმცა, არსებობს რამდენიმე კვლევა, რომლებშიც საუბარია SARS-CoV-2-ის შტამების ევოლუციასა და მუტაციაზე.

ახალი კორონავირუსის ხელოვნურობის შესახებ გავრცელებულ მოსაზრებებს უარყოფენ სამეცნიერო საზოგადოების სხვა წამყვანი წევრები და პანდემიასთან მებრძოლებიც. აშშ-ის ალერგიისა და ინფექციურ დაავადებათა ეროვნული ინსტიტუტის დირექტორი ენტონი ფაუჩი აცხადებს, რომ ასეთ ჭორებს სამეცნიერო მტკიცებულება არ გააჩნია; მსგავს ჭორებს უარყოფენ ჯანდაცვის მსოფლიო ორგანიზაციისა და აშშ-ის გალვესტონის ეროვნული ლაბორატორიის წამყვანი მკვლევრებიც.

მეცნიერული კვლევების და მოსაზრებების პარალელურად, ჩნდება ინფორმაციები სხვადასხვა ტრანსნაციონალური ფინანსური ფონდების და კომპანიების შესაძლო მონაწილეობის შესახებ კორონავირუსის გავრცელების და მისი მართვის პროცესებში.

გავრცელებული ინფორმაციების სანდოობის და ობიექტურობის ხარისხი ხშირ შემთხვევაში ეჭვს იწვევს, თუმცა მათაც აქვთ არსებობის უფლება.

ერთ-ერთი ვერსიის თანახმად ვუჰანის ჩინეთის ბიოლოგიური ლაბორატორია კომპანია Glaxo-ს საკუთრებაა, რომელიც არის კომპანია Pfizer- ის მფლობელი (კომპანია რომელიც ვაქცინას ამზადებს), რომელიც თავის მხრივ იმართება  ფინანსური ფონდი Black Rock-ის მიერ.

ამ უკანასკნელის ფინანსურ ოპერაციებთან კი კავშირი აქვს საქვეყნოდ ცნობილ ჯორჯ სოროსის Soros Fund Management-ს. სქემაში ჩართულია ფრანგული ფრანგულ AXA- ც, რომელიც ასევე სოროსის ფონდთან ასოცირდება, ხოლო ეს უკანასკნელი ყველაფერთან ერთად ფლობს გერმანულ კომპანია Wintertor-ს.

სწორედ ამ გერმანული კომპანიის აშენებულია უჰანის ლაბორატორია ჩინეთში, რომელიც იყიდა გერმანულმა ალიანსმა, რომლის აქციონერიც არის Vanguard-ი. Vanguard-ი კი თავის მხრივ წარმოადგენს Black Rock-ის აქციონერს.

Black Rock-ი არის ტრანსნაციონალური საინვესტიციო კომპანია, რომლის მმართველობის ქვეშ არსებული აქტივები 7,4 ტრილიონ დოლარად არის შეფასებული.

მისი მმართველია ლორენს ფინკი, მეტსახელად big swinging dick და რომელიც მნიშვნელოვან გავლენას ახდენს მსოფლიოს სხვადასხვა კუთხეში განვითარებულ მოვლენებზე.

2009 წელს აშშ-ს მთავრობამ, სწორედ Black Rock-ი დაიქირავა მსოფლიო ფინანსური კრიზისით გამოწვეული პრობლემების აღმოსაფხვრელად.

Black Rock-ი ფლობს უნიკალურ ტექნოლოგიურ სისტემას Aladdin-ს რომელიც შექმნილია მოვლენების და ფინანსური პროცესების პროგნოზირებისათვის და რომლის ერთ-ერთ ამოცანად მოიაზრებოდა, ისეთ არაპროგნიზირებადი მოვლენის ანალიზი და შეფასება, როგორადაც ჯერ კიდევ 2011  წელს ითვლებოდა, დონალდ ტარმპის სავარაუდო გაპრეზიდენტება.

აღსანიშნავია, რომ Black Rock-ის 13 ათასი თანამშრომელიდან 2300 სწორედ Aladdin-ს სისტემის გამართულ ფუნქციონერებას ემსახურება.

Black Rock-ი არის ისეთი ფინანსური, ფარმაცევტული და ტექნოლოგიური ტრანსნაციონალური კომპანიების ერთ-ერთი მთავარი აქციონერი და ინვესტორი, როგორებიცაა Kinder Morgan, Inc ,, Marathon Petroleum Corporation (MPC), CVS Health Corporation (CVS), AT&T Inc. (T), Apple, MICROSOFT, google და სხვა

ფინანსური სამყაროს კულუარებში BlackRock- ს უწოდებენ "ყველაზე ძლიერ ინსტიტუტს ფინანსურ სისტემაში", ის მოიხსენება "მსოფლიოში ყველაზე ძლიერ კომპანიად" და "საიდუმლო ძალად". ეს არის მსოფლიოში უდიდესი "ჩრდილოვანი ბანკი", 7 ტრილიონ დოლარზე მეტი კაპიტალით და კიდევ 20 ტრილიონი დოლარის მართვა ხდება მისი რისკების მონიტორინგის პროგრამული უზრუნველყოფის Aladdin-ს საშუალებით.

და ბოლოს MICROSOFT- ი და PFIZER- ი , რომელთა მთავარი აქციონერი და ინვესტორიც გახლავთ Black Rock-ი, არიან იმ ორგანიზაციის ძირითადი სპონსორები, რომელსაც დღეს მსოფლიოში კორონავირუსთან დაკავშირებული პროცესების მართვა აბარია და რომლის ეფექტურობაც ბევრჯერ დამდგარა კითხვის ნიშნის ქვეშ.

ამ ორგანიზაციის სახელია - მსოფლიო ჯანდაცვის ორგანიზაცია.

 

 

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.