,
რიო-დე-ჟანეიროს შტატის მთავრობის განცხადებით, დანაშაულებრივი დაჯგუფება Comando Vermelho-ს წინააღმდეგ ჩატარებულ მასშტაბურ ოპერაციას 119 ადამიანი ემსხვერპლა. ინფორმაციას ამის შესახებ CNN Brasil-ი ავრცელებს.
ეს მონაცემები შტატის უსაფრთხოების ძალებმა ოთხშაბათს გამართულ პრესკონფერენციაზე დაადასტურეს.
ოფიციალური მონაცემებით, ოპერაციის დღეს დაიღუპა 58 ადამიანი და კიდევ 61 ცხედარი ტყეში იპოვეს. დაღუპულთა შორის ოთხი პოლიციელიცაა.
დაპატიმრებულია 113 ეჭვმიტანილი, მათგან 33 სხვა შტატებიდან, და აყვანილია 10 არასრულწლოვანი.
გარდა ამისა, ამოღებულია 118 ერთეული იარაღი (მათ შორის 91 ავტომატი და 27 პისტოლეტი), 14 ასაფეთქებელი მოწყობილობა და ტონობით ნარკოტიკი, რომლის აღრიცხვა ამჟამად მიმდინარეობს.
რიო-დე-ჟანეიროს სამოქალაქო პოლიციის მდივანმა, ფელიპე კურიმ სპეცოპერაციას უსაფრთხოების ძალების „ლეგიტიმური ქმედება“ უწოდა. მისი თქმით, ეს იყო „ყველაზე დიდი დარტყმა, რაც Comando Vermelho-ს დაარსების დღიდან მიუღია“.
ოპერაცია მიზნად ისახავდა კრიმინალური დაჯგუფების ტერიტორიული გაფართოების აღკვეთას და დანაშაულებრივი ჯგუფის ლიდერების დაკავებას. აღნიშნული ოპერაცია შტატის ისტორიაში ერთ-ერთ ყველაზე მასშტაბურ ღონისძიებად ითვლება.
საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, აღმოსავლეთ-დასავლეთის ჩქაროსნულ მაგისტრალზე და მის მიმდებარედ, 2 კმ-ის რადიუსში, არსებული საგზაო-სატრანსპორტო შემთხვევების მაღალი კონცენტრაციის ადგილების (ე.წ. შავი წერილების) აღმოფხვრისა და გაუმჯობესების მიზნით, გამოცხადდა საერთაშორისო ტენდერი.
უწყების ცნობით, პროექტის ფარგლებში, აღმოსავლეთ-დასავლეთის მაგისტრალის 27 მონაკვეთზე განხორციელდება საგზაო მოძრაობის გაუმჯობესებისთვის საჭირო ინფრასტრუქტურული ღონისძიებები, მათ შორის: ლითონის მრუდხაზოვანი ძელების მონტაჟი; წრიული მოძრაობებისა და უსაფრთხოების კუნძულების მოწყობა; ამაღლებული ქვეითთა გადასასვლელებისა და ტროტუარების მოწყობა; საგზაო ნიშნებისა და ჰორიზონტალური მონიშვნის განახლება და სხვა სამუშაოები.
„სამუშაოები ჩატარდება საქართველოს სატრანსპორტო კომუნიკაციის (GTC) - საქართველოს საგზაო უსაფრთხოების პროექტის ფარგლებში.
სამუშაოები ჩატარება დაგეგმილია 2026 წელს.
პროექტის მიზანია, საგზაო-სატრანსპორტო შემთხვევების რაოდენობისა და სიმძიმის შემცირება და აღმოსავლეთ-დასავლეთის მაგისტრალის უსაფრთხო ექსპლუატაციის უზრუნველყოფა.
პროექტი ფინანსდება ევროკავშირის მიერ გამოყოფილი გრანტით, რომლის ადმინისტრირებას ახორციელებს ევროპის საინვესტიციო ბანკი (EIB).
გრანტის საერთო მოცულობა შეადგენს 16 მილიონ ევროს, საიდანაც ნაწილი მიმართულია აღმოსავლეთ-დასავლეთის მაგისტრალზე საგზაო მოძრაობის უსაფრთხოების გასაუმჯობესებლად.
დაინტერესებულ კომპანიებს სატენდერო წინადადებების წარდგენა შეუძლიათ 2025 წლის 3 დეკემბრის 15:00 საათამდე, შემდეგ ბმულზე“, - აღნიშნულია გავრცელებულ ინფორმაციაში.
