,
აფხაზეთში საპრეზიდენტო არჩევნების მეორე ტური დასრულდა. წინასწარი მონაცემებით, პირველი ტურის გამარჯვებული ბადრა გუნბა ლიდერობს 61,77%-ით (პირველ ტურში - 46,38%). მისმა კონკურენტმა ადგურ არძინბამ 38,23% მიიღო (პირველ ტურში - 36,92%).
ვინაიდან კენჭისყრაზე აქტივობა 25%-ზე მეტი იყო, არჩევნები ძალაში გამოცხადდა. ისინი მოსკოვის დროით 20:00 საათზე დასრულდა.
კენჭისყრის დასრულებამდე ცანდრიფშის საარჩევნო უბანზე უცნობი ნიღბიანი პირების თავდასხმა მოხდა. მათ ბიულეტენები მოიპარეს და შემთხვევის ადგილიდან მიიმალნენ.
როგორც ტელეგრამის არხი „ნოვოსტი/ჩპ აფხაზეთი“ წერს, უცნობი პირები შეიარაღებულები იყვნენ: მათ შენობაში ცეცხლი გაუხსნეს, აიძულეს დამკვირვებლები და კომისიის წევრები დაეწვათ იატაკზე, დაამტვრიეს საარჩევნო ყუთი, მოიპარეს ბიულეტენების ნაწილი, დანარჩენი კი ადგილზე გაანადგურეს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
