USD 2.6953
EUR 2.9063
RUB 2.9111
თბილისი
მსოფლიო ბრენდების ეტიმოლოგია
თარიღი:  1930

როგორ დაერქვათ სახელები მრავალ მილიარდ დოლარად შეფასებულ მსოფლიო ბრენდებს? როგორ იმოქმედა მათმა დასახელებამ კომპანიის განვითარებაზე? ბევრი ბიზნესმენი ფიქრობს, რომ კომპანიისთვის დარქმეული სახელი მის მომავალს განაპირობებს. მართალი არიან თუ არა ისინი?
თითქოს და რა არის იმაზე ადვილი მოიფიქრო ახალი კომპანიის დასახელება? თუმცა ხშირად, კორპორატიული სახელის მოფიქრება არანაკლებ სერიოზული პრობლემაა, ვიდრე საწყისი კაპიტალის მოზიდვა და იურიდიული საბუთების გაფორმება.

ცნობილი ბრენდების ეტიმოლოგია უმრავლეს შემთხვევაში მათი დამფუძნებლების გვარებიდან გამომინარეობს, იშვიათად გეოგრაფიული და ასტრონომიული ობიექტების დასახელებებიდან. ზოგი დასახელების არჩევას წინ დიდი ხნის ფიქრი და მსჯელობა უსწრებდა, ზოგის კი უცაბედი, სპონტანური გადაწყვეტილება. ძალიან ბევრი კომპანიის დასახელება გრძელი და მთლიანი დასახელების აბვიატურას წარმოადგენს. როგორც მაგალითად, IBM - International Business Machines

 Adobe - კომპანიის დასახელება მისი ერთ-ერთი დამფუძნებლის ჯონ უორნოკის სახლთან ახლო ჩამომდინარე მდინარი სახელიდან არის ნასესხები.
 Apple - კომპანიისთვის სახელის შერჩევის მცდელობის სამი უნაყოფო თვის შემდეგ, სტივ ჯობსმა, რომელსაც ძალიან უყვარდა ვაშლი, ცალმხრივად მიიღო გადაწყვეტილება და კომპანიის პირველ კომპიუტერს Apple "ვაშლი" დაარქვა.
 Bridgestone - იაპონური კომპანია, რომელიც საბურავებს უშვებს, კომპანიის დამფუძნებლის გვარია სედზირო ისიბასი, რაც იაპონურად ნჯიშნავს "ხიდი ქვისგან'. რადგან ძირითადად ბაზარს ამერიკა წარმოადგენდა და იაპონელი ბიზნესმენი თვლიდა, რომ მისი ნაწარმის დასახელება ადვილი აღსაქმელი უნდა ყოფილიყო რიგითი ამერიკელისათვის. მან შეუცვალა რიგითობა თავის სახელს და გვარს და მიიღო კომპანიის დასახელება - "ქვის ხიდი".
 Canon - დიდი ხნის განმავლობაში კომპანიის დასახელება იყო Precision Optical
Instruments Laboratory (ზუსტი ოპტიკური ხელსაწყოების ლაბორატორია) ბოლოს მისმა მეპატრონეებმა კომპანიის დასახელების შეცვლა გადაწყვიტეს და უფრო სხარტი დასახელება მოიფიქრეს Canon - ("კანონ") ინგლისური სიტყვაა, რაც ნიშნავს სიზუსტეს და მკაფიობას.
 Corel - კანადური კომპანია COwpland REsearch Laboratory (კოუპლენდის კვლევითი ლაბორატორია) აკრონიმს წარმოადგენს.
 Google - კომპანიის დასახელებაა თავდაპირველად იყო Googol - გუგოლ, რაც მათემატიკურ ენაზე ნიშნავს 10-ს მეასე ხარისხში. ამ დასახელების ქვეშ კომპანიის დამფუძნებლის სერგე ბრანი და ლარი პეიჯი გულისხმობდნენ, რომ მათ საძიებო სისტემას შეუძლია დაამუშაოს შეუზღუდავი მოცულობის ინფორმაცია. მაგრამ მოხდა კაზუსი და ინვესტორმა, რომელიც მათ პროექტს აფინანსებდა საბანკო ჩეკი გამოწერა კომპანია Google-ის სახელზე და სწორედ ამ სახელმა დაიპყრო მსოფლიო.
 Hitachi - იაპონურად ნიშნავს "მზის ამოსვლას"
 Hyundai - კორეულად ითარგმნება როგორც "თანამედროვე ეპოქა".
 Mitsubishi - იაპონურად "სამი ბრილიანტი", რაც კომპანიის ლოგოტიპშია ასახული.
 Honda - მისი დამფუძნებლის სოიტირო ჰონდას სახელს ატარებს.
 Suzuki - კომპანიის მისი დამაარსებლის მიკიო სუძუკის სახელს ატარებს.
 LG - ორი კორეული ბრენდის Lucky და Goldstar კომბინაციიდან წარმოდგება.
 Nike - სპორტული აღჭურვილობის გიგანტი, ბერძნული გამარჯვების ქალღმერთის ნიკეს სახელს ატარებს.
 Nokia - ფინურ ქალაქ ნოკიაში დაარსებული ეს ფირმა თავიდან ქაღალდის გადამუშავების ბიზნესში იყო დასაქმებული, დღე კი ის მობილური ტელეფონების მწარმოებელი გიგანტია.
 Siemens - კომპანია მისი დამაარსებლის ვერნერ ფონ სიმენსის სახელს ატარებს.
 Sony- კომპანიის დასახელება წარმოიშვა ლათინური სიტყვა "sonus" (ხმა) და ინგლისური "sonny" (შვილი) სინთეზიდან, ეს სიტყვა შევიდა იაპონურ სალაპარაკო ენაში და სლენგზე ვუნდერკინდს ნიშნავს. "ჩვენ ვიყავით ვუნდერკინდები და ვმუშაობდით ხმასა და გამოსახულებასთან"-ეს ხსნის კომპანიის დასახელების ეტიმოლოგის Sony-ის ერთ-ერთი დამფუძნებელი ავიო მორიტა.
 Volkswagen - ფერდინანდ პორშემ 1937-წელს მიიღო სამთავრობო შეკვეთა შეექმნა მოსახლეობის ფართო ფენებისთვის ხელმისაწვდომი იაფი ავტომობილი ასე შეიქმნა კომპანია Volkswagen სახალხო ავტომობილი გერმანულად.
 Pepsi - მსოფლიო ბრენდის სახელი საჭმელგადამამუშავებელი ფერმენტის პეპსინიდან წარმოდგება.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.