ლოგოებში დამალული შეტყობინებები

ლოგოებში დამალული შეტყობინებები

Date: 4182

მსოფლიოში ცნობილი ბრენდები და მათი ლოგოები ჩვენი ყოველდღიურობის ნაწილია.თითქოს რაღა უნდა აღმოვაჩინოთ ახალი ისეთ საყოველთაოდ ცნობილ ლოგოში, როგორიც კოკა-კოლას ლოგოა.თუმცა ეს ასე არ არის.გთავაზობთ ლოგოებში დამალულ შეტყობინებებს,რომელიც შესაძლოა თქვენს ყურადღებას გამორჩა.

ამაზონი

ამერიკული კომპანია ამაზონი 1994 წელს ჯეფ ბეზოსმა დაარსა და დღესდღეობით მსოფლიოში უმსხვილესი ონლაინ მაღაზიაა.ლოგოს ქვეშ გავლებულია ისარი a-დან z-მდე,ლათინური ანბანის პირველიდან ბოლო ასოზე,რაც გვეუბნება ,რომ მათ საიტზე ყველანაირი დასახელების ნივთის ყიდვა შეგვიძლია.

ფედექსი

ფედექსი ამერიკული გადამზიდი კომპანიაა.ლოგოს თუ დააკვირდებით,შეამჩნევთ,რომ E-სა და x-ს შორის ისარია დამალული,რაც კომპანიის სისწრაფეზე და სიზუსტეზე მიგვანიშნებს.ამის შემდეგ ამ ლოგოს სხვანაირად ვეღარ შეხედავთ.

დომინოს პიცა

დომინოს პიცა ამერიკული პიცის რესტორნების ქსელია,რომელიც 1960 წელს დაარსეს დავიდ და ტომ მონაგანებმა.როდესაც მათ კომპანია გახსნეს, ისინი არ ელოდებოდნენ რომ ასეთ წარმატებას მიაღწევდნენ და გაფართოვდებოდნენ,ამიტომაც გადაწყვიტეს, რომ ყოველი ახალი პიცერიის გახსნის შემდეგ ერთი წერტილი დაემატებინათ დომინოზე.თუმცა ცოტა ხანში კომპანიის სიდიდის გამო ამ იდეის განხორციელება შეუძლებელი გახდა,რის გამოც მათ ლოგო ასევე დატოვეს.სამი წერტილი კი წარმოგვიდგენს თავდაპირველ სამ ლოკაციას.ამჟამად დომინოს პიცა მთელი მსოფლიოს მასშტაბით 16000-მდე კვების ობიექტს ფლობს.

ბასკინ რობინსი

ბასკინ რობინსი მსოფლიოში ნაყინის მწარმოებელი ერთ-ერთი უდიდესი კომპანიაა,რაზეც ისიც მეტყველებს, რომ მათ 31 სხვადასხვა სახეობის ნაყინი აქვთ (მათ კლიენტს შეუძლია მთელი თვის განმავლობაში სხვადასხვა არომატის ნაყინი მიირთვას).ამაზე მინიშნება მათ ლოგოშიც გვხვდება.კომპანიის ინიციალების ერთი ნახევარი ლურჯად არის დაწერილი,მეორე კი ვარდისფრად.თუ შევაერთებთ ვარდისფერ ნაწილებს და დავაკვირდებით,მივიღებთ რიცხვ 31-ს.

ტობლერონი

ტობლერონი შოკოლადის მწარმოებელი შვეიცარიული ფირმაა,რომელიც სათავეს ქალაქ ბერნიდან იღებს.ბერნი ხშირად ასოცირდება დათვებთან,დათვი კომპანიის ლოგოშიც გვხვდება.დააკვირდით მთაზე თოვლით დაფარულ ადგილს და თქვენ დათვის კონტურს დაინახავთ.

კოკა-კოლა

მსოფლიოში ერთ-ერთი ყველაზე ცნობილი ბრენდის -კოკა-კოლას სარეკლამო კამპანიები აგებულია კონცეფციაზე, რომ კოკა-კოლას დალევა ბედნიერებას იწვევს.კომპანიამ გადაწყვიტა ამაზე მინიშნება ჩაედოთ თავის ლოგოშიც.O-სა და L-ს შორის ბუნდოვნად ჩანს დანიის დროშა.კომპანიამ ეს ლოგო მას შემდეგ შეიმუშავა, რაც დანია მსოფლიოში ყველაზე ბედნიერ ქვეყნად აღიარეს.

culture

პარიზის წიგნის ფესტივალზე საქართველოს მწერალთა სახლი ეროვნული სტენდით პირველად არის წარმოდგენილი

კულტურის სამინისტროს მხარდაჭერით 12-14 აპრილს საქართველოს მწერალთა სახლი 2024 წლის პარიზის წიგნის ფესტივალზე ეროვნული სტენდით პირველად მონაწილეობს.

Grand Palais Éphémère–ში ფესტივალისა და საქართველოს ეროვნული სტენდის გახსნას მწერალთა სახლის დირექტორი ქეთევან დუმბაძე, საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი და ლიტერატურული სფეროს წარმომადგენლები ესწრებოდნენ.

საქართველოს ეროვნული სტენდის პრეზენტაცია გაიმართა ღონისძიებით - „ჰაგიოგრაფიიდან პოსტმოდერნიზმამდე“. მწერალთა სახლის სტენდის სტუმრებს, ქართული მწერლობის გაცნობასთან ერთად, საინტერესო კალიგრაფიულ აქტივობაში ჩართვის შესაძლებლობა ჰქონდათ. კალიგრაფმა გიორგი სისაურმა მათ ქართული ანბანით დაუწერა სასურველი სიტყვები, გამონათქვამები, ფრაზები, სახელები და ა. შ. ასევე გაიმართა ღონისძიება, სახელწოდებით, „თექვსმეტსაუკუნოვანი უწყვეტი ლიტერატურული პროცესი“, რომელიც განიხილავს ქართულ ლიტერატურას, ქართულ-ფრანგულ ლიტერატურულ ურთიერთობებსა და ქართული და ევროპული ლიტერატურის კავშირს.

პირველ საფესტივალო დღეს გამართულ პანელ-დისკუსიაში მონაწილეობა მიიღეს საქართველოს საგანგებო და სრულუფლებიანმა ელჩმა საფრანგეთის რესპუბლიკაში გოჩა ჯავახიშვილმა და ფრანგული ფილოლოგიის დოქტორმა, პროფესორმა, ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის ფაკულტეტის ხელმძღვანელმა ბელა ხაბეიშვილმა. შეხვედრას ასევე ესწრებოდნენ უცხოელი გამომცემლები, ლიტერატურული აგენტები, მედიის წარმომადგენლები და ქართული სათვისტომოს საპატიო წევრები.

ფესტივალის მსვლელობისას ქართულ სტენდზე დაგეგმილია არაერთი აქტივობა და საქმიანი შეხვედრა - PUBLISHERS MATCHMAKING. შეხვედრის მონაწილეები იქნებიან საქართველოს მწერალთა სახლი, ქართული გამომცემლობები: „სეზან ფაბლიშინგი“, „მედუზა,“ „ბაკმი“ და მთარგმნელები - მაია ვარსიმაშვილი და მაია გიორხელიძე. შეხვედრაზე განიხილავენ ქართული ლიტერატურის კატალოგს. მთარგმნელი დალი იაშვილი წარადგენს მიხეილ ჯავახიშვილის მოთხრობას - „ლამბალო და ყაშა“ და მოთხრობების კრებულს. მთავარ სცენაზე გაიმართება წიგნის - „მზე, მთვარე და პურის ყანა“ წარდგენა. წიგნს წარადგენენ ავტორი - მწერალი და კინორეჟისორი თემურ ბაბლუანი და ეროვნული კინოცენტრის წარმომადგენელი ევროპაში სოფიო ბაბლუანი. ქართველ გამომცემლებთან ერთად საქართველოს სტენდთან იქნებიან ფრანგული გამომცემლობები: LE CHERCHE MIDI, GINGKO, EDITIONS DES CARNETS DU DESSERT DE LUNE, MEDUZA, და იტალიური გამომცემლობა MODERN TIMES, რომლებიც წარმოადგენენ ფრანგულად თარგმნილ კლასიკურ და თანამედროვე ქართულ პროზასა და პოეზიას.

საქართველოს ეროვნულ სტენდზე წარმოდგენილი იქნება ბუკლეტი ქართველი ავტორების 50-ამდე ნამუშევრის სინოპსისითა და ამონაბეჭდებით ისეთი ცნობილი ნაწარმოებებიდან, როგორიც არის „შუშანიკის წამება“, „ვეფხისტყაოსანი“ და სხვა.

აღსანიშნავია, რომ პარიზის წიგნის ბაზრობა ევროპის ერთ-ერთი ყველაზე მნიშვნელოვანი კულტურული მოვლენაა, რომელიც ყოველწლიურად გაზაფხულზე იმართება და მასში მონაწილეობას 1 200 გამომცემელი და 2 000 ავტორი იღებს. საქართველოს წელს პირველად მიეცა საშუალება, საკუთარი სტენდით ჩაერთოს საფესტივალო აქტივობებში.

ფესტივალში ეროვნული სტენდით მონაწილეობა საქართველოსთვის ძალიან მნიშვნელოვანია.

საფესტივალო აქტივობები მწერალთა სახლს, ქართველ მწერლებსა თუ გამომცემლებს დაეხმარება ლიტერატურული ურთიერთობების წარმართვაში, ქართული მწერლობის პოპულარიზაციაში, ახალი კონტაქტების მოძიებასა და მთარგმნელობითი საქმიანობის ხელშეწყობაში.

See all