USD 2.6978
EUR 2.9112
RUB 2.9177
თბილისი
ლევან ბოძაშვილი - რუსეთის პრემიერად წარდგენილი მიშუსტინი საგადასახადო სამსახურიდან მოდის, ის პუტინის მხრიდან სრულად კონტროლირებადი იქნება
თარიღი:  700

პუტინის საკონსტიტუციო და სამთავრობო ცვლილებები საქართველოს უსაფრთხოებისთვის არაფერს ცვლის, - ასე შეაფასა „ინტერპრესნიუსთან“ საუბრისას უშიშროების საბჭოს მდივნის ყოფილმა მოადგილემ ლევან ბოძაშვილმა რუსეთში განვითარებული მოვლენები.

მისივე თქმით, ახალი ცვლილებებით პუტინი აპირებს რუსეთის კანონმდებლობის კიდევ უფრო მეტ პრიორიტეტიზაციას საერთაშორისო კანონმდებლობაზე ანუ საერთაშორისო ხელშეკრულებები მხოლოდ მაშინ იმოქმედებს თუ ისინი არ შეეწინაღმდეგება რუსეთის კონსტიტუციას.

„არც ამ ცვლილებებით, არც საპრემიერო კანდიდატურით, საგარეო პოლიტიკის, უსაფრთხოებისა და სტრატეგიულ დოქტრინალურ მიდგომაში არაფერი იცვლება. ამავე დროს ძალოვან მიმართულებებზე კონტროლი კვლავაც პრეზიდენტის ძალაუფლებას დაექვემდებარება. ეს კი იგივე საგარეო პოლიტიკის გაგრძელებას ნიშნავს, რაც რუსეთს აქამდე ჰქონდა. არ ველოდები, რომ რაიმე არსებითი ცვლილება მოხდება საქართველოსთან მიმართებით რუსეთის პოლიტიკაში. რუსეთისთვის დამახასიათებელი ძლევის მანია, რომელიც განმსაზღვრავია ამ პოლიტიკის, არც ახლა შეიცვლება. პუტინის მიერ წარმოდგენილი საკონსტიტუციო ცვლილებები არსებითად აძლიერებს საპრეზიდენტო მმართველობას რუსეთში. პრეზიდენტის ინსტიტუტი კვლავაც რჩება ძალაუფლების მთავარ წყაროდ რუსეთის ფედერაციაში. საპარლამენტო უფლებამოსილებებში ცვლილებები კოსმეტიკურია და იქ, სადაც პრეზიდენტი პარლამენტთან „თათბირობდა“, ახლა პარლამენტი „ამტკიცებს“ პრემიერს, თუმცა ყველა ძირითად თანამდებობას პრეზიდენტი წარადგენს, მათ შორის პრემიერსაც. სასამართლო ხელისუფლებაზე პრეზიდენტის გავლენა ძლიერდება, იქმნება ფედერაციის სუბიექტთა საბჭო პრეზიდენტთან, რაც არსებითად ზედა პალატის პარალელური სტრუქტურა იქნება და გააძლიერებს პრეზიდენტის მმართველობას რეგიონებში. ნიშანდობლივია, რომ საპრეზიდენტო კანდიდატებისთვის დამატებითი ცენზი შემოაქვს, კერძოდ, 25-წლიანი რუსეთში მუდმივი ცხოვრების ვალდებულება და პრაქტიკულად ყველა სახელმწიფო პოლიტიკური თანამდებობის პირისათვის, მათ შორის მოსამართლეებისა და დეპუტატებისათვის სხვა ქვეყნის მოქალაქეობის აკრძალვა. ასევე, კანდიდატები არც მანამდე უნდა სარგებლობდნენ სხვა ქვეყნების მოქალაქეობით, რაც ნიშნავს, რომ რუსეთის ოლიგარქიას პუტინი პოტენციურ კონკურენტად განიხილავს და იმ შემთხვევაში თუ ის 2024 წელს პრემიერობას გადაწყვეტს, ამ გადაწყვეტილებით თავის საპრეზიდენტო პოტენციურ კანდიდატს კონკურენტებს აცილებს“, - განაცხადა ბოძაშვილმა.

იგი არც იმას გამორიცხავს, რომ 2024 წლის შემდეგ პუტინი რუსეთში კვლავ პრეზიდენტად დაბრუნდეს.

„რუსეთის პრემიერად წარდგენილი მიშუსტინი, რომელიც 2010 წლიდან რუსეთის საგადასახადო სამსახურის უფროსი იყო და არასოდეს ყოფილა რომელიმე სხვა ქვეყნის მოქალაქე, პოტენციური კანდიდატია 2024 წლის პრეზიდენტობისთვის. ის იქნება პუტინის მხრიდან სრულად კონტროლირებადი, რადგან ისეთ კორუფციულ ქვეყანაში როგორიც რუსეთია, საგადასახადო სამსახური სუფთა ვერ იქნება, შესაბამისად, კომპრომატებიც უკვე ექნება პუტინს გადანახული. ამავე დროს, მიშუსტინი ზუსტად ის კანდიდატი შეიძლება აღმოჩნდეს, რომელიც ერთგვარ რეპრესიებს წამოიწყებს პოტენციურად „ურჩი“ ოლიგარქების მიმართ ქვეყნის შიგნითაც. თუმცა, არც ის გამოირიცხება, რომ პუტინი 2024 წლის მერეც შეეცადოს პრეზიდენტად დარჩენას.

მისი თქმით, მას ჯერ კიდევ დეკემბერში აქვს ნათქვამი, რომ ერთადერთი სიტყვა, რომელიც მას ხელს უშლის ამაში არის „ზედიზედ“. დასაშვებია, რომ ამ ცვლილებების დამტკიცების პროცესში ეს შეიცვალოს. მანამდე კი, მიეცემა თუ არა მიშუსტინს საკადრო თავისუფლება და დარჩება თუ არა ლავროვი თანამდებობაზე, გამოაჩენს თუ რამდენად სერიოზულ ფიგურასთან გვაქვს საქმე“, - განაცხადა ბოძაშვილმა.

წყარო:https://www.interpressnews.ge/

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.