USD 3.0967
EUR 3.4931
RUB 4.1048
Тбилиси
ჯანდაცვის მსოფლიო ორგანიზაციისთვის წელს გადასახდელი თანხა შესაძლოა, აშშ-მ სხვა ჰუმანიტარულ ორგანიზაციებს გადაურიცხოს
дата : 04.16.2020 10:27  542
  ამერიკის შეერთებულმა შტატებმა შესაძლოა, სხვა ჰუმანიტარულ ორგანიზაციებს გადაურიცხოს ფული, რომელიც ჯანდაცვის მსოფლიო ორგანიზაციისთვის მიმდინარე წელს უნდა გადაეხადა. საუბარია 400 მილიონ დოლარზე.
ამის შესახებ ინფორმაციას სააგენტო „როიტერი“ ავრცელებს.
როგორც სააგენტო აღნიშნავს, ვაშინგტონმა ჯანდაცვის მსოფლიო ორგანიზაციას მიმდინარე წელს უკვე გადაურიცხა 58 მილიონი დოლარი, რაც 2020 წლის საწევროს ნახევარია.
დამატებით აშშ ჯანდაცვის მსოფლიო ორგანიზაციას ყოველწლიურად რამდენიმე ასეული მილიონი დოლარით ნებაყოფლობით აფინანსებდა.
„ჩვენ ვაჩერებთ მეორე ტრანშს. ძალიან მარტივად ამ ფულის მიცემა შეგვიძლია, „წითელი ჯვრისთვის“ ან სხვა მსგავსი ორგანიზაციისთვის“, – განუცხადეს „როიტერს“ დონალდ ტრამპის ადმინისტრაციაში.
აშშ-ის პრეზიდენტმა ჯანდაცვის მსოფლიო ორგანიზაციის დაფინანსების შეჩერების განკარგულება 14 აპრილს გასცა. დონალდ ტრამპი მიიჩნევს, რომ ჯანდაცვის მსოფლიო ორგანიზაციამ კორონავირუსის საფრთხის შესახებ დროული და სათანადო ინფორმაცია არ გაავრცელა. ტრამპის განცხადებით, ჯანდაცვის მსოფლიო ორგანიზაციის შეცდომების შედეგად, აშშ-სა და მთელ მსოფლიოში უამრავი ადამიანი დაიღუპა.
бизнес
ვირების ფერმა „სახედარი"- მოთხოვნა გაიზარდა, ექიმები პირდაპირ უნიშნავენ პაციენტებს ვირის რძეს

ბოლო პერიოდში საქართველოში ვირის რძეზე მოთხოვნა 40%-ით გაიზარდა, - საკითხზე ვირების ფერმა „სახედარის“ დამფუძნებელმა და ხელმძღვანელმა, თემურ ლომიძემ BM.GE-სთან ისაუბრა.

მისი თქმით, რეალიზაციის გაზრდილი მაჩვენებლების პარალელურად, კომპანიის ფინანსური მაჩვენებლებიც შეიცვალა და „სახედარი“ დღეს არსებული ხარჯის გასტუმრებას არსებული შემოსავლებით ახერხებს.

რაც შეეხება წარმოებას, როგორც თემურ ლომიძემ განმარტა, ფერმაში საშუალოდ, თვში 130 ლიტრი რძე იწარმოება.

“გასული წლის ანალოგიურ პერიოდთან შედარებით მოთხოვნა დაახლოებით 40%-ით გაიზარდა. მიუხედავად ამისა, 1 ლიტრი რძის ფასი არ გაგვიზრდია, რადგან არ გვინდა ადგილობრივებისთვის ეს მიუწვდომელი პროდუქტი იყოს. მოთხოვნისა და რეალიზაციის ზრდის შესაბამისად, კომპანია დღეს არსებული შემოსავლით ხარჯების დაფარვას ახერხებს. ჯერ მოგებაზე არ გავსულვართ, თუმცა ფინანსური მაჩვენებლები მნიშვნელოვნად გაგვიუმჯობესდა“, - აცხადებს თემურ ლომიძე და დასძენს, რომ საქართველოში ვირის რძის ცნობადობა მნიშვნელოვნად გაიზარდა.

„პანდემიის პერიოდში ქვეყანაში ვირის რძის პროდუქტის ცნობადობა მნიშვნელოვნად გაიზარდა და შესაბამისად, გაიზარდა მოთხოვნაც. ძალიან ბევრი ექიმი პაციენტებს ვირის რძეს, მისი სასარგებლო თვისებებიდან გამომდინარე, პოსტ-კოვიდურ პერიოდში პირდაპირ უნიშნავს“, - განაცხადა მან.

ვირების ფერმა „სახედარი“ ადგილობრივი ბაზრის გარდა, ვირის რძეს და მისგან ნაწარმოებ რძის ფხვნილს, ასევე კოსმეტიკურ პროდუქტებს - ტუჩსაცხს, სახის საცხსა და საპონს აშშ-ში ყიდის და მომავალში საექსპორტო ბაზრების გაფართოებაზეც მუშაობს.

более
голосование
თქვენი აზრით ხელისუფლება კარგად მართავს კოვიდ სიტუაციას თუ არა?
голосование
Кстати