USD
EUR
RUB
Тбилиси
ირანი - შეთანხმებულია სომხეთის გავლით საქართველომდე სატრანზიტო გზის მშენებლობა
дата : 10.10.2021 17:43  778

თეირანი მზად არის მონაწილეობა მიიღოს ახალი სატრანზიტო გზის მშენებლობაში საქართველომდე სომხეთის გავლით. ინფორმაციას ირანული მედია ავრცელებს.

ირანის ტრანსპორტისა და საქალაქო განვითარების მინისტრის მოადგილის ჰეიროლა ხადემის განცხადებით, მიღწეულია შეთანხმება ირანსა და სომხეთს შორის ახალი სატრანზიტო მარშრუტების შესახებ.

მისი თქმით, ირანული ტვირთისთვის ალტერნატიული სატრანზიტო მარშრუტის ასფალტირება მომდევნო თვის განმავლობაში იგეგმება და აღარ იქნება საჭიროება ძველი მარშრუტის გამოყენება, რომელიც აზერბაიჯანზე გადიოდა.

„ირანმა და სომხეთმა სამი მნიშვნელოვანი გადაწყვეტილება მიიღო. პირველ რიგში, ჩრდილოეთი - სამხრეთის დერეფანი, რომელიც ჩვენ ქვეყანას აკავშირებს სომხეთთან ნორდუზას საზღვრიდან, იქიდან კი საქართველოდან და ირანს კავკასიასთან აკავშირებს, ღია უნდა დარჩეს. მეორე - ამგვარად, მისი ალტერნატიული გზა შეიძლება გამოყენებული იყოს სატრანზიტო სატრანსპორტო საშუალებად მომდევნო თვიდან. მესამე - შეგვიძლია გავაკეთოთ ახალი პროექტი იმავე ძველი გზისა და აზერბაიჯანის ორ წერტილზე, რათა ის გამოიყენებოდეს ალტერნატიულ გზად ძველ მაგისტრალზე“, - განაცხადა ირანის ტრანსპორტის მინისტრის მოადგილემ.

მისი თქმით, პრობლემები, რომლებიც იქმნებოდა სატრანზიტო სატრანსპორტო საშუალებებისთვის ამ მარშრუტზე, მოგვარდება.

Другие
ინდოეთის ტყის კაცი ჯადავ პაიენგი, ვინც 550 ჰექტარ უნაყოფო მიწაზე მარტომ გააშენა ტყის მასივი

ოთხი ათწლეულის წინ, 16 წლის ჯადავ „მოლაი“ პაიენგმა მდინარე ბრაჰმაპუტრაზე მდებარე, მსოფლიოში უდიდეს კუნძულ მაჯულისზე უამრავი გვალვის გამო დახოცილი გველი ნახა.  მაშინ, ჯერაც ბავშვს, დააინტერესა, ერთ დღეს ადამიანებსაც იგივე ბედი ხომ არ ელოდათ.

ნანახმა იმდენად შეძრა, რომ საკუთარ სახლთან ახლოს მან ნერგების დარგვა დაიწყო. ამ საქმეს მან თავისი სიცოცხლის 40 წელზე მეტი მიუძღვნა; ტყის კაცმა, დაახლოებით 550 ჰექტარ ტერიტორიაზე, სრულიად მარტომ დარგო ხეები.

ჯადავ პაიენგმა თავი დაანება სწავლას, რათა მთელი დრო და ენერგია ტყეების განაშენიანებისთვის დაეთმო. კამეჩებით მოვაჭრის ოჯახში დაბადებული ჯადავი წარმოშობით ინდოეთის ჩრდილო-აღმოსავლეთით მდებარე რეგიონში, ასამში მცხოვრები თემიდანაა.

მან მდინარე ბრაჰმაპუტრას მშრალ, ქვიშიან სანაპიროზე დაიწყო მცენარეების თესლების და ნერგების დარგვა. ადგილობრივები ურჩევდნენ, რომ ისეთი ხის ჯიშები დაერგო, რომლებიც მკაცრ კლიმატურ პირობებს გაუძლებდნენ. თავიდან ჯადავმა 25 ნერგითა და მცირე ოდენობით თესლებით დაიწყო.

ჯადავის ამბავი პირველად 2010 წელს გახდა ცნობილი, როდესაც ჯითუ კალიტამ, ველური ბუნების ფოტოგრაფმა და დამოუკიდებელმა ჟურნალისტმა მისი საქმიანობის შესახებ დაწერა. ამ ფაქტს მალევე საერთაშორისო აღიარება მოჰყვა და მსოფლიოს მრავალი ქვეყნიდან ხალხმა მისი ტყის მოსანახულებლად ჩამოსვლა დაიწყო, სადაც 120-ზე მეტი ფრინველის სახეობა ბინადრობს, მათ შორის მრავალი გადამფრენი ჩიტიც.

ამ ადამიანის ხელით გაშენებულ ტყეში კაზირანგას ტყის ნაკრძალიდან ხშირად ისეთი დიდი ცხოველებიც გადმოდიან, როგორიცაა ვეფხვები და სპილოები. ტყის კაცის თქმით, სპილოების დიდი ჯოგი აქ ყოველწლიურად 3 თვეს ატარებს.

პაიენგი ხეების ნერგების დარგვას ტროპიკული წვიმების დადგომამდე 3 თვით ადრე იწყებს, რომელიც, როგორც წესი ყოველწლიურად, ივნისში იღებს სტარტს. წლის დანარჩენ დროს იგი ტყიდან თესლების შეგროვებას უთმობს.  მისი თქმით, ბრაკონიერები კვლავ რჩებიან მისი ტყის მთავარ საფრთხედ, თუმცა ადგილობრივი სატყეო დეპარტამენტი მას ტყის დაცვაში ეხმარება. ჯადავი ამბობს, რომ აუცილებელია, მომავალ თაობებს ვასწავლოთ ტყის მასივების შემცირებით გამოწვეული საფრთხეების შესახებ. მათ უნდა უყვარდეთ ბუნება. მისი თქმით, ტყეს უკვე შეუძლია საკუთარი თავის მოვლა, თუკი მას ადამიანები არ შეეხებიან.

ტყის მცველს თავისი გამორჩეული წვლილისთვის მიღებული აქვს ინდოეთის ერთ-ერთი უმაღლესი სამოქალაქო ჯილდო, პადმა შრი. მის საყვარელ ტყეს მის პატივსაცემად „მოლაი“ უწოდეს. ამ ადამიანის ისტორია შეტანილია ეკოლოგიურ სასკოლო პროგრამებში, მათ შორის, აშშ-შიც. იგი მიწვეულია მექსიკაში, რათა დაეხმაროს არასამთავრობო ორგანიზაციას Fundacion Azteca, რომლის მიზანია ქვეყანაში 7 მილიონი ხის დარგვა. ის თავის მდიდარ გამოცდილებას მექსიკელებს გაუზიარებს.

 

более
голосование
ვინ გაიმარჯვებს რუსეთ - უკრაინის ომში?
голосование
Кстати