USD 2.7084
EUR 2.9337
RUB 2.9233
Тбилиси
გოგი ლორთქიფანიძე - გილოცავთ საქართველოს დამოუკიდებლობის დღეს და გისურვებთ ყველას, რომ ძლიერ სახელმწიფოში ეცხოვროთ ჩვენს შვილებს (ბლოგი)
дата:  762
გახარიას 29 მაისს ექნება პარტიის პრეზენტაციაო. კარგი იქნება ვასაძეც თუ დროულად წარმოგვიდგენს თავის პარტიულ გუნდს.
დალაგდება პოლიტიკური სივრცე, სადაც ყველა აქტიორი იქნება წარმოდგენილი.
 
აქ საინტერესო ის არის, რომ ამ პოლიტიკური სიჭრელის მიუხედავად, მაინც ცარიელი რჩება ის ადგილი, რომლის დაკავებასაც ყველა ცდილობს, მაგრამ ვერავინ ვერ იკავებს.
 
ამ ადგილის შევსება ვერ ხერხდება ვითომ პატრიოტულ-რელიგიური და ვითომ დემოკრატიული შეფერილობის მქონე პოლიტიკური ძალების მიერ.
 
რადგან სიყალბე ეგრევე იკითხება და ამომრჩეველიც ეგრევე გრძნობს ამას, ეს სიცარიელე დღემდის ვერავინ ვერ ამოავსო, თუმცა მცდელობა უამარავი იყო.
 
ეს არ არის დიდი ნიშა, დაახლოებით 5-7%-ია, მაგრამ ეს მოტივირებული ადამიანების ის რაოდენობაა, რაც საკმარისია ქვეყნის სწორედ განვითარებისათვის და იმისთვის, რომ ვერავინ შეძლოს ყოველდღიურ რყევებში აცხოვროს საზოგადოება, რაც მხოლოდ ერთადერთ ამოცანას ემსახურება - საქართველო ვერ ჩამოყალიბდეს სრულყოფილ სახელმწიფოდ.
 
ამ პოლიტიკურ მიმდინარეობას მე პირობითად - თანამედროვე კონსერვატორულ-სახალხო მოძრაობად მოვიხსენიებ.
ეს არის ლიბერალური, ეროვნული და ტრადიციული კონსერვატიზმის სინთეზი, რომელისთვისაც მთავარი საორიენტაციო პოსტულატებია - ღმერთი, სამშობლო, ადამიანი.
 
ვინც ამ პოლიტიკური მიმდინარეობის აქტიურ წევრად ან მხარდამჭერად მოიაზრებს თავს, უნდა იყოს: მოტივირებული, თანმიმდევრული, დამაჯერებელი, პასუხისმგებლობის საკუთარ თავზე აღების შემძლე და საქართველოს სახელმწიფოს ერთგული მოსამსახურე.
 
მე მტკიცედ მჯერა, რომ მსგავსი ადამიანები ცხოვრობენ ჩვენს ქვეყანაში და სწორი ორგანიზების შემთხვევაში, მათი რაოდენობა საკმარისია სიტუაციის შესაცვლელად.
 
ცოტა პათეტიკურად კი გამოვიდა, მაგრამ რასაც ვფიქრობ იმას ვწერ.
 
ერთმა ჩემმა კარგმა მეგობარმა თქვა და მეც თავიდან ბოლომდე ვეთანხმები:
"ვიდრე ქვეყანა არ არის წარმატებული, ვერც ერთი ჩვენგანი წარმატებულად ვერ ჩაითვლება... ვერც კარიერულად, ვერც ფინანსურად, ვერც ადამიანურად..
 
გადავხედოთ წარმატებულ ადამიანებს, ბიზნესმენებს, ბანკირებს, პოლიტიკოსებს, ექიმებს, სტარტაპერებს, სტუდენტებს, პროფესორებს, მოსამართლეებს, აქვს კი მათ წარმატებულობას რეალური ფასეულობა და დაფასება? არა.
 
ამიტომაც, ყოველდღე, ვიდრე ქვეყანა წარუმატებელია, ვერავინ წარმატებულად ვერ ჩავითვლებით..."
 
გილოცავთ საქართველოს დამოუკიდებლობის დღეს და გისურვებთ ყველას, რომ ძლიერ სახელმწიფოში ეცხოვროთ ჩვენს შვილებს.
спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати