USD 2.7084
EUR 2.9337
RUB 2.9233
Тбилиси
დიმიტრი ამილახვარი და ნიკოლოზ თოხაძე- ფრანგული არმიის ლეგენდარული ქართველი გმირები
дата:  4015

1939 წლის 14 ივლისს საფრანგეთის ეროვნული დღესასწაულის, ბასტილიის აღების აღსანიშნავად გამართულ აღლუმზე უცხოური ლეგიონის ასეულის მეთაურები იყვნენ დიმიტრი ამილახვარი და ნიკოლოზ თოხაძე. შანზელიზეზე დიდი ოვაციებით ჩაიარეს. აფრიკიდან მათ ჩამოჰყვათ გენერალი მიკელი.

როდესაც გენერალ მიკელს პარიზის კომენდატმა უსაყვედურა, რაღა ეს უცხოელი ოფიცრები დანიშნეთ მეთაურებადო, მათზე უკეთესი არ გვყავსო- ასე უპასუხა ფრანგმა გენერალმა.


დიმიტრი ამილახვარი მეორე მსოფლიო ომში გენერალ შარლ დე გოლის „თავისუფალი საფრანგეთის“ არმიაში იბრძოდა. 1942 წელს ბირ-ჰაკეიმის ბრძოლაში გამოჩენილი სიმამაცისთვის ის „გათავისუფლების ჯვრით“ დაჯილდოვდა. სიკვდილის შემდეგ საფრანგეთის პრეზიდენტიმა გენერალ დე გოლმა „საპატიო ლეგიონის უმაღლესი ორდენი" მიანიჭა. საფრანგეთის სამხედრო მუზეუმში ერთი კუთხე დიმიტრი ამილახვრს ეკუთვნის, მეორე კუთხე – შარლ დე გოლს და მესამე – ნაპოლეონს.

შარლ დე გოლმა დიმიტრი ამილახვარს საფრანგეთის სიამაყე უწოდა. ქართველი სამხედრო საფრანგეთში დღესაც პოპულარულია. ნებისმიერ ფრანგ სამხედროს რომ ჰკითხოთ, დაასახელოს საფრანგეთის სამი ყველაზე გამორჩეული სამხედრო პირი, ასე გიპასუხებთ: - ნაპოლეონი, შარლ დე გოლი და პრინცი ამილახვარი.

„ჩვენ უცხოელებს, მხოლოდ ასე შეგვიძლია დავუმტკიცოთ საფრანგეთს გმირობა - სიცოცხლე შევწიროთ მას“ - ეს დიმიტრი ამილახვრის სიტყვებია. იგი 1942 წელს გმირულად დაიღუპა ელ-ალამეინის ბრძოლის დროს. დაკრძალულია ლიბიის უდაბნოში.

ნიკოლოზ თოხაძეს საფრანგეთის თითქმის ყველა სამხედრო ჯილდო ჰქონდა მიღებული, მათ შორის უმაღლესი ჯილდო-სამხედრო ჯვრის ორდენი პალმის რტოთი. იგი მონაწილეობდა მაროკოსა და ალჟირში წარმოებულ სამხედრო ოპერაციებში, ასევე ჩრდილოეთ აფრიკაში, გმირულად იბრძოდა იაპონელებთან შეტაკებებში. 1946 წელს ნიკოლოზ თოხაძე ინდოეთში განლაგებულ ფრანგულ შენაერთს ხელმძღვანელობდა. იმავე წელს ჩრდილოეთ აფრიკაში მიავლინეს და დაევალა კუნძულ მადაგასკარზე "უცხოური ლეგიონის" ჩაყვანა, რის შემდეგაც კუნძულზე ორი წელი იმსახურა.

ქართველმა ოფიცერმა 35 წელი იმსახურა ფრანგულ ჯარში. პოლკოვნიკი ნიკოლოზ თოხაძე გარდაიცვალა 1975 წელს, დაკრძალულია ლევილის ქართულ სასაფლაოზე.

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати